Бугун Наманган шаҳар, Давлатобод туманидаги “Ёш куч” стадионида Рашид Ғофуров мураббийлик қилаётган “Навбаҳор-фарм” жамоаси Алишер Маҳмудов мураббийлик қилаётган “Навбаҳор-U-21” ёшлар жамоасига қарши ўртоқлик ўйини ўтказди. Мазкур баҳсда ҳар икки жамоа мураббийлари бир қатор ёш футболчиларни синовдан ўтказишди.

Ушбу ўйинни “Навбаҳор” ПФК президенти Отабек Саматов бошчилигидаги клуб раҳбарияти, жамоамиз бош мураббийи Самвел Бабаян бошчилигидаги мураббийлар штаби бевосита стадионда кузатишди.

Ушбу назорат-синов баҳси голларга бой тарзда кечиб, унда дарвозаларга 6 та тўп киритилди. Голларга “Навбаҳор-фарм”дан Наврўз Олимжонов (2 та) ва Диёр Жалолиддинов (2 та), “Навбаҳор-U-21” ёшлар жамоамиздан эса Жамолиддин Баҳромов ҳамда Ибодулла Набиев муаллифлик қилишди.