Bugun Namangan shahar, Davlatobod tumanidagi “Yosh kuch” stadionida Rashid G‘ofurov murabbiylik qilayotgan “Navbahor-farm” jamoasi Alisher Mahmudov murabbiylik qilayotgan “Navbahor-U-21” yoshlar jamoasiga qarshi o‘rtoqlik o‘yini o‘tkazdi. Mazkur bahsda har ikki jamoa murabbiylari bir qator yosh futbolchilarni sinovdan o‘tkazishdi.
Ushbu o‘yinni “Navbahor” PFK prezidenti Otabek Samatov boshchiligidagi klub rahbariyati, jamoamiz bosh murabbiyi Samvel Babayan boshchiligidagi murabbiylar shtabi bevosita stadionda kuzatishdi.
Ushbu nazorat-sinov bahsi gollarga boy tarzda kechib, unda darvozalarga 6 ta to‘p kiritildi. Gollarga “Navbahor-farm”dan Navro‘z Olimjonov (2 ta) va Diyor Jaloliddinov (2 ta), “Navbahor-U-21” yoshlar jamoamizdan esa Jamoliddin Bahromov hamda Ibodulla Nabiyev mualliflik qilishdi.
