“FourFourTwo” нашри журналистлари 2021 йил якунларини сарҳисоб қилиб, энг яхши футбол мураббийлари рейтингини туздилар. Биринчи ўринни “Манчестер Сити” устози Хосеп Гвардиола эгаллади, у ўтган мавсумда “шаҳарликлар” билан Премьер-лига ва Лига кубогида ғалаба қозонган.
Иккинчи ўринни Лондоннинг “Челси” клуби бош мураббийи Томас Тухель эгаллади. Унинг қўл остида “аристократлар” Чемпионлар лигаси ғолибига айланишди. Топ-3ликни “Ливерпуль” устози Юрген Клопп якунлади.
Шунингдек, кучли бешликни “Интер” билан скудетто ютган Антонио Конте ва “Бавария”нинг собиқ бош мураббийи, ҳозирда Германия терма жамоасида ишлаётган Ханс-Дитер Флик ҳам жой олди.
