Саудия Арабистони лигасининг энг яхши тўпурари Ар-Риёднинг “Шабаб” клуби ҳужумчиси Одион Игало 32 ёшида яна АПЛга қайтиши мумкин. Британия матбуоти хабарига кўра, нигериялик футболчига Англия Премьер-лигаси клубидан жиддий таклиф тушган.
“Sky Sports” нашри хабарига кўра, “Ньюкасл” Игалони жамоага таклиф қилмоқчи. Клуб тажрибали ҳужумчини чемпионатда жон сақлаб қолишда ёрдам бериши керак, деб ҳисоблайди.
Қолаверса, “Ал-Шабаб” раҳбарлари футболчини ўзида сақлаб қолишмоқчи эмас, чунки у билан амалдаги келишув 2023 йилнинг ёзида якунига етади. Маълумот ўрнида, Игало Туманли Альбионда “Уотфорд” ва “Манчестер Юнайтед” каби клублар шарафини ҳимоя қилган.
