Янги мавсумга тайёргарликни давом эттираётган ўринбосарларимиз бугун назорат баҳсида майдонга тушди.
Бош мураббий Абдуҳамид Қодиров қўл остидаги футболчиларни икки таркибга ажратиб, кўрикдан ўтаётган ўйинчиларни синовдан ўтказди.
Аввал маълум қилганимиздек, машғулотларда «Бунёдкор» академияси тарбияланувчилари қатнашмоқда. 2022 йилги мавсумда таркибни деярли янгилаб, тарбияланувчиларимиз орқали ёшартиришни кўзлаган мураббийлар штаби бунинг учун дастлабки қадамларни ташлади. Бугунги назорат учрашуви орқали йиғинга жалб этилган ёш иқтидор эгалари кўздан кечирилди. Маълумот ўрнида, учрашувда 1:0 ҳисоби қайд этилди. Ўринбосарларимиз навбатдаги назорат баҳсини йиғиннинг сўнгги куни, 29 декабрда ўтказади.
