Yangi mavsumga tayyorgarlikni davom ettirayotgan o‘rinbosarlarimiz bugun nazorat bahsida maydonga tushdi.
Bosh murabbiy Abduhamid Qodirov qo‘l ostidagi futbolchilarni ikki tarkibga ajratib, ko‘rikdan o‘tayotgan o‘yinchilarni sinovdan o‘tkazdi.
Avval ma’lum qilganimizdek, mashg‘ulotlarda «Bunyodkor» akademiyasi tarbiyalanuvchilari qatnashmoqda. 2022 yilgi mavsumda tarkibni deyarli yangilab, tarbiyalanuvchilarimiz orqali yoshartirishni ko‘zlagan murabbiylar shtabi buning uchun dastlabki qadamlarni tashladi. Bugungi nazorat uchrashuvi orqali yig‘inga jalb etilgan yosh iqtidor egalari ko‘zdan kechirildi. Ma’lumot o‘rnida, uchrashuvda 1:0 hisobi qayd etildi. O‘rinbosarlarimiz navbatdagi nazorat bahsini yig‘inning so‘nggi kuni, 29 dekabrda o‘tkazadi.
