"The Guardian" хабарига кўра, Африка кубогида иштирок этаётган барча футболчиларга 3 январгача ўз клубларида қолишга рухсат берилди.
Клублар одатда мусобақа бошланишдан икки ҳафта олдин ўз футболчиларини йирик халқаро турнирларга қўйиб юборишга мажбур бўлишади, бироқ Африка Миллатлар кубоги Европа мавсумининг энг қизғин палласида ўтказилади.
Вазиятни инобатга олган ҳолда, Африка футбол конфедерацияси 27 декабрдан 3 январга қадар ўйинлари бор клубларни футболчилардан фойдаланишга рухсат берди.
Эслатиб ўтамиз, 2020 йилда дунёда авж олган коронавирус пандемияси туфайли Африка Миллатлар кубоги 2021 йил январига кўчирилди. Кейинроқ турнир яна қолдирилди, у энди 2022 йилнинг 9 январидан 6 февралига қадар ўтказилиши режалаштирилган.
