“Бунёдкор”га қарши учрашувда жароҳат олиб сафдан чиққан Муборакнинг “Машъал” клуби ва Ўзбекистон олимпия терма жамоаси дарвозабони клуб расмий сайтига ҳозирги ҳолати ҳақида гапириб берди.

«Янги шифокоримиз Алишер акага раҳмат. У киши мени тезроқ даволашга ҳаракат қиляптилар. «Металлург» билан ўйинда иштирок этаманми? Тўғриси, бу борада бир нарса дейишим қийин. Ўйингача яна уч кун вақт бор, шифокоримиз мени учрашувга тайёр деб бош мураббийга айтса, шундан кейин клубимиз устози Владимир Фомичев майдонга тушиш-тушмаслигимни ҳал қилади», дея футболчининг сўзларидан иқтибос келтирмоқда клуб расмий сайти.