21 март куни Ўзбекистон аёллар футзал терма жамоаси Баҳайрн пойтахти Манама шаҳрига йўл олди. 28 мартга қадар ўқув-машғулот йиғинларида иштирок этадиган Аваз Маҳсумов шогирдлари Баҳрайн терма жамоасига қарши 3та ўртоқлик ўйинида майдонга тушади.
Қайд этиш жоиз, бунга қадар аёллар футзал терма жамоаси фақатгина расмий ўйинларда майдонга тушган бўлиб, Баҳайрнга қарши ўртоқлик ўйини терма жамоа учун биринчиси бўлади. Мазкур йиғин 2013 йил Сеулда бўлиб ўтадиган усти ёпиқ бинолардаги IV Осиё ўйинлари олдидан тайёргарлик вазифасини ўтаб беради.
Маълумот ўрнида айтиш керакки, 2005 йил Банкон мезбонлик қилган I Осиё ўйинларида Ўзбекистон аёллар футзал терма жамоаси 1-ўринни қўлга киритганди. Икки йилдан кейин Маккаода бўлиб ўтган турнирда жамоа бронза медалларига эга чиққан. Ўша вақтда жамоани ҳозирги «Севинч» клуби бош мураббийи Абдураҳмон Юмангулов бошқариб борарди.
| № | Футболчи | Туғилган йили | Клуб |
| 1 | Олия Акромова | 1987 | Ёшлик |
| 2 | Севара Абдусаломова | 1987 | Чирчиқ |
| 3 | Мария Собирова | 1988 | Андижанка |
| 4 | Ойгул Ёқубова | 1987 | Андижанка |
| 5 | Рушания Сафина | 1993 | Андижанка |
| 6 | Елена Лагуткина | 1989 | Андижанка |
| 7 | Алия Аҳмедова | 1985 | Севинч |
| 8 | Камола Усмонова | 1984 | Севинч |
| 9 | Садоқат Рўзиева | 1984 | Севинч |
| 10 | Зебо Жўраева | 1985 | Севинч |
| 11 | Маҳфуза Туропова | 1989 | Севинч |
| 12 | Маҳлиё Сарикова | 1990 | Севинч |
| 13 | Лангаева Екетерина | 1985 | Ёшлик |
| 14 | Насиба Турсунова | 1990 | Семурғ |
