Бу йилдан Қозоғистон футбол федерацияси клубларга легионерлар сонини оширишга рухсат берди. Энди Қозоғистон премьер-лигаси регламентига кўра клубларнинг асосий таркибида бир йўла бешта чет эллик футболчи майдонга тушиши мумкин.

Бунга жавобан қозоқ клублари "лаббай" деб жавоб беришди ва 31 мамлакатнинг 83 та футболчиси бу мавсум Қозоғистон чемпионатида қатнашадиган бўлди.

Футбол экспертларининг фикрига кўра, ушбу мавсум оралиғида қозоқ клублари томонидан легионерларни сотиб олиш учун сарфланган пулларнинг умумий суммаси 31,2 миллион долларни ташкил қилган.

Ҳаммадан кўп сарфлаган клуб "Актобе" бўлди - 4 миллион 110 минг доллар. Толдиқўрғоннинг "Жетису" ва Қустанойнинг "Тоболь" клублари мос равишда 3,7 ва 3,3 миллион доллар сарфлашган. Қолган клублар қуйидагича сарфлашган:
"Қайрат" (Алмати) - 2,4 млн.
"Иртиш" (Павлодар) - 2,4 млн.
"Астана" (Остона) - 2,1 млн.
"Ордабаси" (Чимкент) - 1,8 млн.
"Сункар" (Каскален) - 1,5 млн
"Қайсар" (Қизилўрда) - 1,4 млн.
"Шахтёр" (Қарағанда) - 1,3 млн.
"Атирау" (Атирау) - 1,1 млн.
"Акжайик" (Уральск) - 960 минг доллар.