Дания терма жамоаси сардори Симон Кьяер Евро-2020 гуруҳ босқичи доирасидаги Финляндияга қарши ўйинда (0:1) Кристиан Эриксен иштирокидаги кескин вазият ҳақида гапирди.
Эслатиб ўтамиз, ўйин вақтида яримҳимоячининг юраги уришдан тўхтаб қолганди. Футболчининг ҳаёти сақлаб қолинди, аммо ўшандан бери у майдонга тушмади.
«Бу лаҳзани таърифлаш қийин. «Қўрқинчли тушга ўхшарди». Менинг ҳаракатларим атайлаб эмас, ҳамма нарса инстинктив равишда содир бўлди.
Биз унга ёрдам бериш учун қўлимиздан келганини қилдик. Даҳшатли, шунчаки даҳшатли лаҳза. Лекин мен учун энг муҳими - Кристиан энди ўзини яхши ҳис қилмоқда», - дейди Кьяер.
