"Ливерпуль" дарвозабони Алиссон Бекер ўз жамоадоши ҳақида фикр билдирди. У Марсело Питалуга ҳақида шундай дейди:

"Ҳа, Марсело жуда ҳам иқтидорли. Мен у билан Бразилия терма жамоасида бир неча марта бирга ишлаган эдим. Аммо ҳозир у ҳақида футболчи ҳамда инсон сифатида кўпроқ нарса биламан. Унда ўзига хос қобилият бор. Марсело "Ливерпуль"ни келажагига айланиши мумкин бўлган йигит. Ҳозирда у жамоамизга яхши мослашди ва биз билан ишлашда давом этмоқда. У биздан ҳар куни кўпроқ нарса билиб олишга интилади. Мен унинг келажагига ишонаман".

Марсело Питалуга бразилиялик. 19 ёшли дарвозабон 2020 йилда "Флуминенсе"дан сотиб олинган эди.