2021-йилнинг энг яхши футзалчиси — Дилшод Раҳматов (“Ҳуахин-Жиззах” ва футзал терма жамоа аъзоси, Жаҳон чемпионати иштирокчиси) мукофот ҳақида ўз фикрларини билдириб ўтди.
- Гапнинг очиғи, тадбирга таклиф этилганимдан, энг яхши футзалчи номинациясига номзод бўлганимдан хурсанд эдим, лекин айнан мени энг яхши футзалчи деб эълон қилинишини сира кутмагандим. Сабаби, бизда моҳир, тажрибали футзалчилар кўпчиликни ташкил этади, уларнинг ҳар бири ҳар қандай мукофотга муносиб. Укаларим Ҳусниддин ёки Давронни табриклайман деб ўйлагандим.
Кичик меҳнатларимни юқори баҳолаб, тақдирлаганликлари учун ташкилотчиларга ҳам, менга овоз берган журналистларга ҳам миннатдорлигимни изҳор этаман.
Бу соврин келгуси фаолиятимга янада куч бағишлайди, шу билан бирга масъулият ҳам юклайди.
Тадбирнинг ташкилий жиҳатларига келсак, бунақасини ҳали кўрмаганман.
