2021-yilning eng yaxshi futzalchisi — Dilshod Rahmatov (“Huaxin-Jizzax” va futzal terma jamoa a’zosi, Jahon chempionati ishtirokchisi) mukofot haqida o‘z fikrlarini bildirib o‘tdi.

- Gapning ochig‘i, tadbirga taklif etilganimdan, eng yaxshi futzalchi nominasiyasiga nomzod bo‘lganimdan xursand edim, lekin aynan meni eng yaxshi futzalchi deb e’lon qilinishini sira kutmagandim. Sababi, bizda mohir, tajribali futzalchilar ko‘pchilikni tashkil etadi, ularning har biri har qanday mukofotga munosib. Ukalarim Husniddin yoki Davronni tabriklayman deb o‘ylagandim.

Kichik mehnatlarimni yuqori baholab, taqdirlaganliklari uchun tashkilotchilarga ham, menga ovoz bergan jurnalistlarga ham minnatdorligimni izhor etaman.

Bu sovrin kelgusi faoliyatimga yanada kuch bag‘ishlaydi, shu bilan birga mas’uliyat ham yuklaydi.

Tadbirning tashkiliy jihatlariga kelsak, bunaqasini hali ko‘rmaganman.