Жейми Каррагер "Тоттенхэм" бош мураббийи ҳақида фикр билдирди. У Контени мақтади:

"Мен "Тоттенхэм"да кучли тўртликка кириш учун жуда яхши имкон бор деб ўйлайман. Чунки уларда яхши мураббий бор. Антонио Контени бемалол Юрген Клопп, Гвардиола ёки Томас Тухелга тенглаштириш мумкин. У АПЛда ғолиб бўлган. Иккинчи мавсумида эса мамлакат кубогини қўлга киритган. Менимча, "Тоттенхэм" тарихида Конте даражасидаги мураббий ҳали бўлмаган. Одамлар Моуриньони айтиши мумкиндир, аммо реал вазиятда ундай бўлиб чиқмади".

Эслатиб ўтамиз, "Тоттенхэм" бугун Тошкент вақти билан 20:00да "Саутгемптон"га қарши майдонга чиқади.