"МЮ"нинг собиқ футболчиси Гари Невилл Криштиану Роналду ҳамда Бруно Фернандеш ҳақида фикр билдирди. У шундай дейди:
"Мен бу ҳақида "Эвертон"га қарши ўйиндан кейин фикр билдирган эдим (1-1). Ўшанда баҳс Сульшерга босим юклашини тахмин қилганман ва шундай бўлиб чиқди. Мана бугун ҳам бу воқеа такрорланди. Ҳатто, бу нарса "Уотфорд"га қарши баҳсда ҳам юз берган эди. Шундан кейин Сульшер кетган эди.
Роналду ва Бруно катта футболчилар. Аммо айнан улар ёшларни йўлига тўғаноқ бўлмоқда. Айнан шу иккиси қолганларнинг камчиликлари намоён бўлишига сабабкордир. Эдинсон Кавани эса аксинча, майдонда бўлган пайтда ёш шерикларига иложи борича ёрдам беради. Шунинг учун мен уни доимий таркибга кириши тарафдориман".
Эслатиб ўтамиз, "МЮ" сафарда "Ньюкасл" билан 1-1 ҳисобида дуранг ўйнади. Каванининг голи меҳмонларга бир очко тақдим этган эди.
