Трансфермаркт Италия А серияси футболчиларининг бозор қийматини янгилади.573 нафар футболчи янги бозор баҳосини олди.

Янги рўйхатнинг асосий натижаси “Фиорентина” ҳужумчиси Душан Влаҳовичнинг бозор қийматининг 20 миллион евродан 70 миллион еврога жиддий ошгани бўлди.21 ёшли серб 2021 йил календарь йилида ҳақиқий ютуқни амалга ошириб, Италияда 33 та гол урди. 12 ой ичида 2020 йилда Криштиану Роналду ўрнатган рекордни янгилади. Влаҳович жорий мавсумда 16 та гол билан снайперлар пойгасида А серияда пешқадамлик қилмоқда.

Италиянинг юқори дивизионида фақатгина "Интер"нинг тўпурари Лаутаро Мартинес ундан юқори баҳоланган. Унинг нархи 80 миллион евро. 23 ёшгача бўлган ҳужумчилар орасида дунёнинг энг қиммат футболчиларидан фақат иккитаси Влаҳовичдан юқори баҳоланган - Килиан Мбаппе (160 миллион евро) ва Эрлинг Холанд (150 миллион евро).