Transfermarkt Italiya A seriyasi futbolchilarining bozor qiymatini yangiladi.573 nafar futbolchi yangi bozor bahosini oldi.

Yangi ro‘yxatning asosiy natijasi “Fiorentina” hujumchisi Dushan Vlahovichning bozor qiymatining 20 million yevrodan 70 million yevroga jiddiy oshgani bo‘ldi.21 yoshli serb 2021 yil kalendar yilida haqiqiy yutuqni amalga oshirib, Italiyada 33 ta gol urdi. 12 oy ichida 2020 yilda Krishtianu Ronaldu o‘rnatgan rekordni yangiladi. Vlahovich joriy mavsumda 16 ta gol bilan snayperlar poygasida A seriyada peshqadamlik qilmoqda.

Italiyaning yuqori divizionida faqatgina "Inter"ning to‘purari Lautaro Martines undan yuqori baholangan. Uning narxi 80 million yevro. 23 yoshgacha bo‘lgan hujumchilar orasida dunyoning eng qimmat futbolchilaridan faqat ikkitasi Vlahovichdan yuqori baholangan - Kilian Mbappe (160 million yevro) va Erling Xoland (150 million yevro).