"Манчестер Юнайтед" дарвозабони Дин Хендерсон бош мураббий Рангник билан жамоадаги келажаги ҳақида гаплашиб олишни истайди. У клубда ўйин амалиётига эга бўла олмаётганидан қаттиқ тушкунликда.
Хендерсон мавсум аввалида коронавирусга чалинганидан кейин Де Хеа соясида қолиб кетди. Ҳозирда айнан испаниялик посбон Рангник томонидан асосий сифатида фойдаланилмоқда.
24 ёшли Хендерсон 2020 йилда клуб билан узоқ муддатлик шартнома имзолаган эди. Аммо Рангник уни январда қўйиб юборишни рад этади. Чунки немис мутахассиси жамоада учта дарвозабон бўлишини афзал кўрмоқда.
