"Лестер" устози Бренден Рожерс "Ливерпуль"га қарши ўйиндан кейин ўз фикрларини билдириб ўтди. У шундай дейди:
"Бизда ўтмишда ҳам кўплаб ажойиб ғалабали учрашувларимиз бор. Ҳа, бу орқали титулларга ҳам эга чиққанмиз. Аммо баъзан жуда ҳам ёмон ўйин ўтказамиз. Шундай пайтларда ҳам ҳеч қачон курашишдан тўхтаб қолмаганмиз. Бугун эса буни яна бир бор исботладик. Ҳар бир ўйин учун сизда режа бўлиши лозим. Бугун биз майдон марказини мустаҳкам тутиш борасида тактик ғоя бор эди. Лукман бизга ажойиб гол тақдим этди. Стадиондаги муҳит бизга энг катта ёрдам берган жиҳатлардан бири бўлди. Бу учун мухлислардан миннатдормиз".
Эслатиб ўтамиз, ҳозирда "Лестер" 25 очко билан жадвалнинг 9 поғонасида бормоқда.
