"Lester" ustozi Brenden Rojers "Liverpul"ga qarshi o‘yindan keyin o‘z fikrlarini bildirib o‘tdi. U shunday deydi:
"Bizda o‘tmishda ham ko‘plab ajoyib g‘alabali uchrashuvlarimiz bor. Ha, bu orqali titullarga ham ega chiqqanmiz. Ammo ba’zan juda ham yomon o‘yin o‘tkazamiz. Shunday paytlarda ham hech qachon kurashishdan to‘xtab qolmaganmiz. Bugun esa buni yana bir bor isbotladik. Har bir o‘yin uchun sizda reja bo‘lishi lozim. Bugun biz maydon markazini mustahkam tutish borasida taktik g‘oya bor edi. Lukman bizga ajoyib gol taqdim etdi. Stadiondagi muhit bizga eng katta yordam bergan jihatlardan biri bo‘ldi. Bu uchun muxlislardan minnatdormiz".
Eslatib o‘tamiz, hozirda "Lester" 25 ochko bilan jadvalning 9 pog‘onasida bormoqda.
