"Интер" клубининг собиқ ярим ҳимоячиси Кристиан Эриксен машғулотларни бошлади ва бир қатор клублардан таклиф олди. Бу ҳақда журналист Николо Скира ўзининг "Твиттер"даги расмий саҳифаси орқали хабар тарқатмоқда.
Манбанинг ёзишига қараганда, 29 ёшли футболчининг қўлида Англия, Нидерландия ва Даниядан 4-5 таклифлар бор.
Эслатиб ўтамиз, шу йилнинг ёзида Эриксен Евро-2020 финал босиқичи доираси бўлаётган учрашув давомида юраги уришдан тўхтаб қолганди. Ушбу даҳшатли воқеадан кейин футболчига дефибриллятор ўрнатилди. Ўшанда бери даниялик футболчи майдонда кўриниш бермаётганди.
Декабрь ойининг ўрталарида Кристиан "Интер" билан шартномани ўзаро бекор қилиб, эркин агентга айланганди. Италия қонунларида дефибриллятор ўрнатилган футболчининг майдонга тушишига рухсат йўқлиги сабабли, томонлар шартномани ўзаро бекор қилганди.