"Арсенал" ҳужумчи Пьер-Эмерик Обамеянг ўрнига ҳужумчи сотиб олишни режалаштирмоқда.

ESPN телеканалининг ўз манбаларига таяниб хабар беришича, бош мураббий Микел Артета томонидан тайёрланган эҳтимолий янги футболчилар рўйхатидан Александр Исак (“Реал Соседад”), Душан Влаҳович (“Фиорентина”), Доминик Калверт-Люин (“Эвертон”) ва Олли Уоткинс (“Астон Вилла”) ўрин олган.

Қайд этилишича, Артета, айниқса, ўтган ёзда "Брентфорд"дан 27,7 миллион фунт стерлинг эвазига "Астон Вилла"га кўчиб ўтган Уоткинсдан ҳайратда. Мураббийга инглизнинг ҳужумда турли позисияларда ҳаракат қила олиши ёқади.

Ҳозирча "Арсенал" ва "Астон Вилла" ўртасида эҳтимолий трансфер бўйича музокаралар бўлмаган ва бу футболчининг январда трансфери бўлиши даргумон. Шунга қарамай, "канонирлар" унинг ўйинларини кузатиб боришади.

Артета қишки трансфер ойнаси учун Обамеянгнинг "Арсенал"дан кетишини хоҳламоқда.