ОФК Осиё Чемпионлар Лигаси 3-турида хизмат қилувчи ҳакамлар рўйхатини эълон қилди. Унга кўра «Ар-Райян» – «Насаф» учрашувини япониялик ҳакамлар бригадаси бошқариб боради.
3-4 апрель куни Осиё Чемпионлар Лигаси гуруҳ босқичи 3-туридан ўрин олган учрашувлар бўлиб ўтади. Жумладан, Ўзбекистон вице-чемпиони, Қаршининг «Насаф» клуби Қатарда «Ар-Райян» жамоаси меҳмони бўлади.
Учрашувни япониялик ҳакамлар бригадаси бошқариб боради: бош ҳакам Юичи Нишимурага қанотларда Тору Сагара ҳамда Тошиюки Нагилар ёрдам беришади. Эронлик Акбар Бахшизода тўртинчи ҳакам этиб тайинланган.
Эслатиб ўтамиз, Рўзиқул Бердиев шогирдлари ОЧЛда икки учрашувдан сўнг бир очко тўплагани ҳолда «А» гуруҳида учинчи ўринни эгаллаб турибди.
Маълумот ўрнида айтиш жоиз, Ўзбекистон Кубоги соҳиби «Пахтакор» ҳамда Қатарнинг «Ал-Араби» жамоалари ўртасидаги учрашувни австралиялик ҳакамлар бошқариб боришади.
ОЧЛ, «А» гуруҳи, 3-тур. 3 апрель, сешанба
«АР-РАЙЯН» (Қатар) – «НАСАФ» (Ўзбекистон)
Бош ҳакам: Юичи Нишимура (Япония).
Ён қанот ҳакамлари: Тору Сагара, Наги Тошиюки (иккиси ҳам – Япония).
Тўртинчи ҳакам: Акбар Бахшизода (Эрон).
Назоратчи: Али Аҳмад Ат-Тирайфий (Саудия Арабистони).
Комиссар: Носир Ҳамдон Ҳамид ар-Риёмий (Уммон).
