"Оқтепа" клуби ҳали футболчиларни ПФЛга заявка қилмагани боис "Пахтакор-2" кейинги раундга техник ғалаба билан йўлланма олди.
"Оқтепа" ҳалигача футболчиларни рўйхатдан ўтказмагани боис бугун ўтиши белгиланган Ўзбекистон Кубогининг биринчи раунд беллашувида жамоамизга техник ғалаба ёзилди. Шу тариқа Нўъмон Ҳасанов шогирдлари иккинчи раунд иштирокчиларига айланишди. Лекин ҳар икки жамоа учрашувга ташриф буюргани боис томонлар ҳеч бўлмаганда назорат баҳсини ташкил этишга қарор қилишди ҳамда ўйин ўртоқлик мақомида ўтказилди. Унда ёш футболчиларимиз 2:0 ҳисобида ғалаба қозонишди. Ўн олтидан бир финал босқичида жамоамиз 30 март куни Жиззахда "Сўғдиёна" меҳмони бўлади.
