Англия чемпионати 21-туридан ўрин олган марказий "Арсенал" – "Манчестер Сити" учрашуви якунланди. "Эмирейтс" стадионида бўлиб ўтган баҳсда "шаҳарликлар" 2:1 ҳисобида ғалаба қозонди.
Дастлаб, биринчи бўлимнинг 31-дақиқасида Киран Тирни узатмасини Букайо Сака голга айлантириб ҳисобни очди.
Иккинчи бўлимида Махрез пенальтидан тўп киритиб, Саканинг голига жавоб қайтарди. Ўйиннинг ҳакам томонидан қўшиб берилган дақиқаларда Родри томонидан киритилган гол "Ман Сити"га навбатдаги уч очкони келтирди.
Қайд этиш жоиз, учрашувнинг 59-дақиқасида "Арсенал" ҳимоячиси Габриеэл иккинчи сариқ карточкасини олиб майдонни тарк этди.
Англия чемпионати, 21-тур
"Арсенал" – "Манчестер Сити" – 1:2
Голлар: Сака, 31 (1:0). Махрез, 57 - пенальтидан (1:1). Родри, 90 (1:2)
Арсенал: Рамсдейл, Тирни, Габриэл Магальяйнс, Уайт, Томиясу, Жака, Партей, Мартинелли, Эдегор (Холдинг, 63), Сака (Эль-Нени, 84), Ляказетт (Смит-Роу, 71)
Манчестер Сити: Эдерсон, Аке, Ляпорт, Рубен Диаш, Жоау Канселу, Бернарду Силва, Родри, Де Брейне, Стерлинг, Габриэл Жезус (Гюндоган, 63), Махрез
Огоҳлантиришлар: Жака 55, Габриэл Магальяйнс 57, Сака 63, Холдинг 68
Четлатиш: Габриэл Магальяйнс 59 (иккинчи с.к)