Лондоннинг «Тоттенхэм» клуби бош мураббийи Антонио Конте АПЛ доирасида «Уотфорд» (1:0) устидан қўлга киритилган ғалаба ҳақидаги фикрлари билан ўртоқлашди.

«Якунда гол киритдик, лекин ўйин давомида гол киритишга жуда кўп ҳаракат қилдик. Бундай учрашувларда мувозанатни йўқотмасдан, оқилона ҳаракат қилиш керак. «Уотфорд» қарши ҳужумда жуда хавфли жамоа. Жамоа жисмонан бақувват. Биз ўйинни назорат қилдик. Ҳужумни якунлашда камчиликларни бартараф қилишимиз керак.

Гол кирита олмаганимиз учун вазифамиз мушкуллашиб бораверди, лекин вазиятларни содир этдик. Рақиб ўз ўйинини яхши ташкил қилган бўлса, уларга қарши ўйнаш жуда қийин. Бундай учрашувларда гол урсанг ўйин структураси ўзгаради, бўш худудлар пайдо бўлади.

Бироз чарчадик, футболчиларнинг кўрсатган ўйинидан қониқдим. Дўстим Клаудио Раньерига барча яхшиликларни тилайман. Улар кўп нарсаларга қодир», – деди Конте.