«Тоттенхэм» бош мураббийи Антонио Конте АПЛ доирасида «Уотфорд» устидан қозонилган ғалабадан сўнг (1:0) январдаги трансферлар ойнаси ҳақида ҳам гапириб ўтди.
«Клуб мени бу ерга таклиф қилганида жамоанинг имкониятларини баҳолаш учун бир қанча вақт сўрадим. Ҳозир мен вазифани уддаладим деб ўйлайман ва келажакда раҳбарият билан албатта учрашамиз.
Футболда ҳар доим ҳалол бўлиш муҳимдир. Январь ойида бирор нарсага уриниб кўриш унчалик ҳам осон эмас. Фақат биз ўзимиз танлаган йўналишда ишлашда давом этишимиз керак.
Ўйинчиларимдан кўнглим тўқ. Улар ўзларини ўйинга тўлиқ бағишлайди, борини беришади ва ўзаро ишончни намоён этишади - бу эса январдаги энг яхши харид. Худди шу руҳда давом этишимиз керак», - дейди Конте.
