«Tottenxem» bosh murabbiyi Antonio Konte APL doirasida «Uotford» ustidan qozonilgan g‘alabadan so‘ng (1:0) yanvardagi transferlar oynasi haqida ham gapirib o‘tdi.
«Klub meni bu yerga taklif qilganida jamoaning imkoniyatlarini baholash uchun bir qancha vaqt so‘radim. Hozir men vazifani uddaladim deb o‘ylayman va kelajakda rahbariyat bilan albatta uchrashamiz.
Futbolda har doim halol bo‘lish muhimdir. Yanvar oyida biror narsaga urinib ko‘rish unchalik ham oson emas. Faqat biz o‘zimiz tanlagan yo‘nalishda ishlashda davom etishimiz kerak.
O‘yinchilarimdan ko‘nglim to‘q. Ular o‘zlarini o‘yinga to‘liq bag‘ishlaydi, borini berishadi va o‘zaro ishonchni namoyon etishadi - bu esa yanvardagi eng yaxshi xarid. Xuddi shu ruhda davom etishimiz kerak», - deydi Konte.
