"Ювентус" ПСЖ ҳужумчиси Мауро Икардига қизиқишда давом этмоқда. Турин клуби 28 ёшли аргентиналик футболчининг аҳволи ҳақида парижликлардан маълумот сўраган, дея хабар беради журналист Жанлука Ди Марцио.
Шу билан бирга, "Юве" ҳали трансфер бўйича расмий таклиф билан чиққани йўқ. Турин клуби футболчини сотиб олиш шарти билан ижарага олмоқчи.
Жорий мавсумда Икарди ПСЖ сафида 20 та ўйинда майдонга тушиб, 5 та гол урган. Унинг парижликлар клуби билан шартномаси 2024 йилнинг ёзига қадар мўлжалланган.
Олдинроқ ПСЖ ҳужумчини 30 миллион еврога сотишга тайёрлиги ҳақида маълумот пайдо бўлганди.
