Уч йиллик танаффусдан сўнг Суперлигага қайтган "Нефтчи" жамоаси тажрибали ва маҳоратли футболчиларни танлаш ва таркибни улар билан тўлдириш учун шартнома тузиш ишларини давом эттирмоқда. Бугун жамоамизнинг собиқ ўйинчиси, бундан аввал "Сурхон" клуби таркибида етакчи ҳимоячиси ва жамоа сардори сифатида ҳаракатланган Ҳусниддин Ғофуров билан шартнома имзоланди. Ҳусниддин бир вақтлар севимли жамоамизда тўп суриб, мухлислар эътиборини қозонган футболчи саналади.
Маълумот ўрнида, Хусниддин Ғофуров шу кунгача дастлаб "Нефтчи" (2016 - 2018), "Сурхон" (2019 -2021) клубларда фаолият юритган. Фарғоналиклар сафига қўшилишидан олдин ўтган мавсумни "Сурхон" жамоаси аъзоси сифатида ўтказиб, 26та учрашувда майдонга туширилган ва 2та голга муаллифлик қилган.
Маълум танаффусдан сўнг ўз жамоасига қайтган Ҳусниддинга бу йилги мавсумда Фарғона футболини янги чўққига кўтариш учун курашда улкан муваффақиятлар тилаймиз.
