Uch yillik tanaffusdan so‘ng Superligaga qaytgan "Neftchi"  jamoasi tajribali va mahoratli futbolchilarni tanlash va tarkibni ular bilan to‘ldirish uchun shartnoma tuzish ishlarini davom ettirmoqda. Bugun jamoamizning sobiq o‘yinchisi, bundan avval "Surxon" klubi  tarkibida yetakchi himoyachisi va jamoa sardori sifatida  harakatlangan  Husniddin G‘ofurov bilan shartnoma imzolandi. Husniddin bir vaqtlar sevimli jamoamizda to‘p surib, muxlislar e’tiborini qozongan futbolchi sanaladi.

Ma’lumot o‘rnida, Xusniddin G‘ofurov  shu kungacha dastlab "Neftchi" (2016 - 2018), "Surxon" (2019 -2021)  klublarda faoliyat yuritgan. Farg‘onaliklar safiga qo‘shilishidan oldin o‘tgan mavsumni  "Surxon" jamoasi a’zosi sifatida  o‘tkazib, 26ta uchrashuvda maydonga tushirilgan va 2ta golga mualliflik qilgan.

Ma’lum tanaffusdan so‘ng o‘z jamoasiga qaytgan Husniddinga bu yilgi mavsumda Farg‘ona futbolini yangi cho‘qqiga ko‘tarish uchun kurashda ulkan muvaffaqiyatlar tilaymiz.