Футболчининг ПСЖ машғулотларига қайтиш вақти маълум бўлди.

Париж клуби матбуот хизмати хабарига кўра, Неймар 9 январга қадар Бразилияда клуб тиббиёт ходимлари билан даволанишни давом эттиради. Тахминан уч ҳафтадан сўнг унинг машғулотларга қайтиши кутилмоқда.

Эслатиб ўтамиз, Неймар Лига 1нинг 15-турида "Сент-Этьен"га қарши ўйинда (3:1) жароҳат олган эди. Иван Макотнинг зарбасидан кейин уни замбилда майдондан олиб чиқиб кетишган.

Жорий мавсумда 29 ёшли бразилиялик парижликлар сафида 14 та ўйин ўтказиб, 3 та гол урди ва 3 та голли узатмани амалга оширди.