Futbolchining PSJ mashg‘ulotlariga qaytish vaqti ma’lum bo‘ldi.

Parij klubi matbuot xizmati xabariga ko‘ra, Neymar 9 yanvarga qadar Braziliyada klub tibbiyot xodimlari bilan davolanishni davom ettiradi. Taxminan uch haftadan so‘ng uning mashg‘ulotlarga qaytishi kutilmoqda.

Eslatib o‘tamiz, Neymar Liga 1ning 15-turida "Sent-Etyen"ga qarshi o‘yinda (3:1) jarohat olgan edi. Ivan Makotning zarbasidan keyin uni zambilda maydondan olib chiqib ketishgan.

Joriy mavsumda 29 yoshli braziliyalik parijliklar safida 14 ta o‘yin o‘tkazib, 3 ta gol urdi va 3 ta golli uzatmani amalga oshirdi.