"Челси" ярим ҳимоячиси Хаким Зиеш Марокаш терма жамоаси билан Африка Миллатлар Кубогига бормайди. Футболчи турнир учун қайдномага киритилмаган. Бу ҳақда Марокаш Қироллик футбол федерацияси президенти Фаузи Лакжа маълум қилди.
“Биз у жамоанинг етакчисига айланади ва муваффақият сари етаклайди, деб умид қилгандик. Ортиқча бу ҳақда тўхталиб ўтирмайман”, – деди функционер.
Маълумот учун, Зиеш Марокаш терма жамоасининг сўнгги 10та ўйинини ўтказиб юборди. Миш-мишларга кўра, футболчи миллий терма жамоа устози Вахид Ҳалилхожич билан жанжаллашиб қолган. Ярим ҳимоячи июнь ойидан бери Марокаш терма жамоасида ўйнамади.
