Бугун, 3 январь куни “Манчестер Юнайтед” Англия премьер-лигаси доирасида “Вулверхэмптон”ни қабул қилади. Жамоа бош мураббийи Ральф Рангник учрашув арафасида кадрлар билан боғлиқ вазиятга баҳо бериб, тақвим тиғизлиги туфайли Криштиану Роналдуни захира ўриндиғига қўймоқчи эмаслигига шама қилди.
"Роналдунинг саккиз кун ичида учта ўйин ўтказа олмаслиги учун ҳеч қандай сабаб кўрмаяпман. У жисмонан тайёр, машғулотларда барча кўрсатмаларга амал қилади. Бу энг юқори даражадаги профессионал, унинг ўзи тайёргарлигини, овқатланишини, танасини назорат қилади. Мен ҳали бундай 36 ёшли футболчини кўрмаганман. Балки Златан Ибрагимович ҳамдир, лекин унинг футбол майдонида ўрни бошқача”, деди Рангник ўйинольди матбуот анжуманида.