"Манчестер Юнайтед" ярим ҳимоячиси Жесси Лингард қишки трансфер ойнасида жамоани тарк этмайди. "Вест Хем" англиялик футболчининг қайтишидан манфаатдор, аммо манкунианликлар футболчини Англия чемпионатининг кучли 4-ўринидан жой олиш учун рақибга қўйиб юборишга тайёр эмас. Бу ҳақда The mirror нашри хабар берди.

29 ёшли Лингард "болғачилар" таркибида 2021 йилнинг январьидан июньигача ўйнаб, жамоа сафида 16 та ўйинда майдонга тушиб, 9 та гол урган ва 5 та голли узатмани амалга оширган.

Жорий мавсумда ярим ҳимоячи барча турнирларда 12 та ўйин ўтказиб, 2 та гол ва битта голли узатмани амалга оширди. Англиялик футболчининг шартномаси жорий мавсум охирида якунига етади.