“Наполи” ҳужумчиси Лоренцо Инсинье жорий мавсум якунида клубини ўзгартиради. Футболчи MLSнинг "Торонто" клубига ўтишига тўлиқ рози бўлди, деб хабар беради инсайдер Фабрицио Романо Twitter саҳифасида.
Манба берган хабарга кўра, Инсиньенинг Канада клуби билан келишуви бир ҳафта ичида расман эълон қилинади. Лоренцонинг "Торонто" билан шартнома муддати 5 йилни ташкил қилади.
Маълумот учун, вингернинг "Наполи" билан шартномаси шу йилнинг июнь ойида ниҳоясига этади. Футболчи клубни эркин агент сифатида тарк этади, чунки томонлар шартномани узайтириш борасида келиша олмаган.
