Премьер лига етакчиларидан бири "Ливерпуль" "Вилярреал" юлдузи Арно Данжума учун бир неча миллион евролик трансфер таклифини тайёрламоқда.

Fichajes маьлумотига кўра, Премьер лига гиганти "Ливерпуль" Испания чемпионатида яхши таассурот қолдиришда давом этаётган голландиялик вингер Арнаут Данжумани қўлга киритиш учун нақд пул сарфлашга тайёр.
24 ёшли футболчи ўтган ёзда Англия иккинчи дивизиони вакили "Борнмут"дан "Вилярреал"га ўтган эди. Данжума жорий мавсумда “сариқ сувости кемаси” таркибида 18 марта майдонга тушиб, тўққиз марта гол урган ва яна учта голга ассистентлик қилган.

Унинг ўйинлари эътибордан четда қолмади ва "Ливерпуль" воқеалар ривожини диққат билан кузатиб бормоқда. Айни дамда "қизиллар" Данжума хизматлари учун 45 миллион евролик катта таклиф тайёрламоқда, чунки улар январь ойидаёқ 24 ёшли футболчини сотиб олишни режалаштирган.