"Барселона" ёзги трансфер ойнасида "Ливерпуль" ярим ҳимоячиси Наби Кейтани жамоага олиб келиш хақида ўйламоқда. 
El Nacional хабарига кўра, "Барселона" ёзда "Ливерпуль" ярим ҳимоячиси Наби Кейтани сотиб олишни мақсад қилган, "қизиллар" эса ўз футболчисини сотишга тайёр. Кейта "Ливерпуль"га 2018 йилнинг ёзида Германиянинг "РБ Лейпциг" клубидан келган. Ўша пайтда Европанинг энг умидли ёш ярим ҳимоячиларидан бири бўлган гвинеялик футболчи "Энфилд"да ишончни тўлақонли оқлай олмаган эди. Кейта кўп жароҳат олганлиги сабабли у ўзини кўрсата олмаган бўлиши мумкин. 

    Хави қўл остида бир нечта яхши ярим ҳимоячилар бор. Аммо молиявий қийинчилик туфайли жамоа етакчиларидан бири бўлган Френки де Йонг ёзда "Барселона"ни тарк этиши мумкин. Кейта эса унинг ўрнини тўлдириши таҳмин қилинмоқда.