Мадриднинг “Реал” клуби бош мураббийи Карло Анчелотти ҳужумчи Гарет Бейл декабрь ойи бошида жароҳатидан тузалиб кетган бўлса-да, нима учун майдонга тушмайотганини айтди.

Бейл сўнгги марта ўтган йилнинг август ойи охирида "Реал"да ўйнаган эди.

“Бейл жароҳат олгани йўқ, лекин у яхши эмас. У фидойи, чунки унинг шартномаси тугашига олти ой қолган. Аммо у ўзини яхши ёки қулай ҳис қилмаяпти. Агар у жароҳат олишдан қўрқса, биз буни тушунишимиз керак.

Жароҳатлар ҳақидаги хабарларни чоп этмаслик одатий ҳол ва ҳар кимнинг шахсий ҳаёти ҳурмат қилиниши керак.

Умид қиламизки, у шу ҳафта охирида “Валенсия”га қарши ўйинга ёки Саудия Арабистонидаги Испания Суперкубогида у майдонга қайтади”, - деди Анчелотти.