Кеча хабар берганимиздек, бугундан Абдуҳамид Қодиров мураббийлигидаги ўринбосарлар жамоаси ҳам машғулотларга киришди.
Машғулотлар майдонда ва тренажер залида ўтказилади. Ой охирига қадар ўтказиладиган йиғин доирасидан иккита назорат ўйини ўрин олган. 19 январь куни жамоа икки таркибга бўлинган ҳолда синов-назорат ўйинини ўтказса, 26 январда яна бир ўртоқлик учрашуви ўтказилади. Бугунги машғулотларда 22 нафар футболчи қатнашди. Олдин хабар берганимиздек, бош мураббий Абдуҳамид Қодиров асосий урғуни академиямиз тарбияланувчиларига қаратган. Қолаверса, таркибдаги асосий ўйинчиларнинг ёши 17-18 ни ташкил қилмоқда.
Бугунги машғулотларда иштирок этган футболчилар - Харин Глеб, Мирсаид Турсунматов, Хусан Мўминов, Маҳмуд Маҳамаджонов, Тоҳир Тўхтасинов, Жаҳонгир Фозилов, Абдуллоҳ Омоналиев, Абдуазим Ортиқов, Искандар Солиев, Кирилл Волнухин, Шоҳруҳ Муҳсинов, Азиз Усмонов, Азамат Абдурашидов, Диёр Каримов, Бобур Асадуллаев, Иброҳим Баҳодиров, Улуғбек Раимов, Андрей Гулямов, Судайсий Жўрабоев, Александр Зевадинов, Бобур Ёрбеков, Шаҳзод Акбаралиев.
