Kecha xabar berganimizdek, bugundan Abduhamid Qodirov murabbiyligidagi o‘rinbosarlar jamoasi ham mashg‘ulotlarga kirishdi.
Mashg‘ulotlar maydonda va trenajer zalida o‘tkaziladi. Oy oxiriga qadar o‘tkaziladigan yig‘in doirasidan ikkita nazorat o‘yini o‘rin olgan. 19 yanvar kuni jamoa ikki tarkibga bo‘lingan holda sinov-nazorat o‘yinini o‘tkazsa, 26 yanvarda yana bir o‘rtoqlik uchrashuvi o‘tkaziladi. Bugungi mashg‘ulotlarda 22 nafar futbolchi qatnashdi. Oldin xabar berganimizdek, bosh murabbiy Abduhamid Qodirov asosiy urg‘uni akademiyamiz tarbiyalanuvchilariga qaratgan. Qolaversa, tarkibdagi asosiy o‘yinchilarning yoshi 17-18 ni tashkil qilmoqda.
Bugungi mashg‘ulotlarda ishtirok etgan futbolchilar - Xarin Gleb, Mirsaid Tursunmatov, Xusan Mo‘minov, Mahmud Mahamadjonov, Tohir To‘xtasinov, Jahongir Fozilov, Abdulloh Omonaliyev, Abduazim Ortiqov, Iskandar Soliyev, Kirill Volnuxin, Shohruh Muhsinov, Aziz Usmonov, Azamat Abdurashidov, Diyor Karimov, Bobur Asadullayev, Ibrohim Bahodirov, Ulug‘bek Raimov, Andrey Gulyamov, Sudaysiy Jo‘raboyev, Aleksandr Zevadinov, Bobur Yorbekov, Shahzod Akbaraliyev.
