“Ювентус” бош мураббийи Массимилиано Аллегри ҳужумчи Алваро Мората ҳақидаги саволга нуқта қўйди. 

Эслатиб ўтамиз, миш-мишлар Алваро Моратанинг “Барселона”га ўтиши мумкинлиги билан боғлиқ эди.

“Алваро Мората қолади. Январь ойида у ҳеч қаерга кетмайди. Мен у билан шахсан учрашдим ва Алварога айтдим: “Сиз 100% қоласиз”, - дея Аллегрининг сўзларини келтиради инсайдер Фабрицио Романо.

29 ёшли Алваро Мората “Ювентус”да ижара асосида ўйнамоқда. 2021/2022 йилги мавсумда испаниялик футболчи 23 та ўйин ўтказиб, 7 та гол урди ва жамоадошларига 3 та голли узатма берди.