“Манчестер Юнайтед” кийим алмаштириш хонасида кескин норозилик кучаймоқда. Бу ҳақда “Daily Express” нашри хабар бермоқда. Манбага кўра, жамоа бир нечта алоҳида гуруҳларга бўлинган. Улардан бири Гарри Магуайр, Эдинсон Кавани ва Мейсон Гринвудни ўз ичига олади. Хабарга кўра, ушбу футболчилар Криштиану Роналдуга жамоада ўта муҳим роль юкланганидан норози бўлишмоқда. Шунингдек, бошқа баъзи футболчилар ҳам Роналдунинг бошқа португал тилида сўзлашувчи футболчиларга таъсирини ёқтирмайдилар. 

Маълумот ўрнида, 10 январь, душанба куни Ральф Рангник шогирдлари Англия кубоги 3-босқичи доирасида “Астон Вилла”га қарши баҳс олиб боради.