Бир неча йиллардан буён сардор сифатида “Навбаҳор” муваффақиятларга катта улуш қўшиб келаётган ярим ҳимоячи Азимжон Аҳмедов 2022 йилни ҳам “лочинлар” сафида ўтказади. У билан амалдаги шартнома муддати узайтирилди.
Ушбу футболчи “Навбаҳор”га бўлган садоқатини яна бир бор намойиш этиб, жамоамизнинг улкан мақсадларини амалга оширишида кўмакдош бўлишини билдирди. “Навбаҳор” ПФК Азимжон Аҳмедовга жамоамиз билан ҳамкорликни давом эттираётганидан мамнун эканлигини билдириб, унга омад ва муваффақиятлар ёр бўлишини тилаб қолади.
Маълумот учун, Азимжон Аҳмедов Суперлига 2021 йилги мавсумида 24 ўйинда майдонга тушиб, 2105 дақиқа тўп тепди ва ўз ҳисобига 3 та гол ёздириб қўйди. Умид қиламизки, Азимжон 2022 йилги мавсумда ҳам етакчилик салоҳияти, маҳорат ва тажрибаси ва албатта, қойилмақом “пушка” зарбалари-ю чиройли голлари билан “Навбаҳор” ғалабаларига муносиб улуш қўшади.
“Навбаҳор” ПФК матбуот хизмати.
