Bir necha yillardan buyon sardor sifatida “Navbahor” muvaffaqiyatlarga katta ulush qo‘shib kelayotgan yarim himoyachi Azimjon Ahmedov 2022 yilni ham “lochinlar” safida o‘tkazadi. U bilan amaldagi shartnoma muddati uzaytirildi.
Ushbu futbolchi “Navbahor”ga bo‘lgan sadoqatini yana bir bor namoyish etib, jamoamizning ulkan maqsadlarini amalga oshirishida ko‘makdosh bo‘lishini bildirdi. “Navbahor” PFK Azimjon Ahmedovga jamoamiz bilan hamkorlikni davom ettirayotganidan mamnun ekanligini bildirib, unga omad va muvaffaqiyatlar yor bo‘lishini tilab qoladi.
Ma’lumot uchun, Azimjon Ahmedov Superliga 2021 yilgi mavsumida 24 o‘yinda maydonga tushib, 2105 daqiqa to‘p tepdi va o‘z hisobiga 3 ta gol yozdirib qo‘ydi. Umid qilamizki, Azimjon 2022 yilgi mavsumda ham yetakchilik salohiyati, mahorat va tajribasi va albatta, qoyilmaqom “pushka” zarbalari-yu chiroyli gollari bilan “Navbahor” g‘alabalariga munosib ulush qo‘shadi.
“Navbahor” PFK matbuot xizmati.
