“Реал Мадрид” раҳбарияти ёзги трансфер бозори борасида бир қарорга келди, деб хабар беради AS. 

Манбага кўра, “қироллик клуби” парижликлар ҳужумчиси Килиан Мбаппени текинга қўлга киритмоқчи, шунингдек, Дортмунднинг “Боруссия” клуби ҳужумчиси Эрлинг Холандни сотиб олмоқчи. Бундан ташқари, Мадрид клуби марказий ҳимоячи сотиб олишни режалаштирмоқда, мақсадлардан бири – “Челси”дан Антонио Рюдигер, клуб уни кузатишда давом этмоқда.

Шу билан бирга, “Реал” яримҳимоячиси Иско, ҳимоячи Марсело ва ҳужумчи Гарет Бэйлни кетишига тўсқинлик қилмайди. Бу футболчиларнинг шартномалари ёзда тугайди ва клуб улар билан шартномани узайтирмайди. Шунингдек, “Реал” ҳимоячи Хесус Вальехо ва яримҳимоячи Дани Себальос билан хайрлашишга тайёр.