Бразилиянинг “Фламенго” клуби ҳужумчиси Габриеэл Барбоза Россияга кўчиб ўтиши мумкин. Бу ҳақда журналист Дармеш Шет ўзининг “Twitter” саҳифасида маълум қилди.
Инсайдер хабарига кўра, 25 ёшли ҳужумчи учун Англиянинг "Вест Хэм", Россиянинг "Зенит" ва бошқа жамоалар ҳам даъвогарлик қилмоқда. "Вест Хэм" Габриэлни 30 миллион еврога сотиб олиш шарти билан ижарага олмоқчи, қолган даъвогарлар, жумладан "Зенит" эса футболчини дарҳол сотиб олишга тайёр.
2021 йилда Барбоза барча мусобақаларда 43 та ўйинда 29 та гол урди ва 9 та голли узатмани амалга оширди.