ПСЖ ва Франция терма жамоаси ҳужумчиси Килиан Мбаппе футболдаги ирқчилик муаммоси ҳақида гапирди.

“Курашни жтимоий тармоқлардан бошлаш керак. Лекин, энг аввало, биз футболчилар бунга аралашишимиз керак. Сиз фаол бўлишингиз ва одамларга ёрдам беришингиз лозим", - деди форвард.

Шунингдек, у Евро-2020 доирасидаги Швейцарияга қарши ўйиндан (3:3 пенальтилар бўйича –4:5) сўнг дуч келган ирқчилик ҳақоратлари ҳақида гапирди.

“Ватаним учун қўлимдан келган ҳамма нарсани қилдим. Мен одамларни хурсанд қилиш учун ҳамма нарсани қилдим, шунда ҳамма фахрланиши керак эди.

Шунинг учун бу хабарлар оғриқли ва оғир эди”, – деди Мбаппе.